Carambas

Nach viiiil Wärbig und nomeh Überzügigsarbet hämmer d Grössi vo unserer Gruppe tatsächlich uf 9 Pföstli chönne bringe.

Jetzt miend mirs nummer schaffe, dass au regelmässig so viil and Iebig chömme..

Vennerinne sind mir „nur“ no zwei Stück. D Kasio het uns Ändi letste Joor verloh und d Cigna und ich, also d Vispa, gänd sich die grösst Mieh, dasses immer rächt fätzigi und astronomisch tolli Samstig Nomittäg git.

Mir händ scho alles erläbt:

D Entfiehrig vo dr Cigna mit glorriicher Rettig, jeglichi Besitigung vo irgendwelche Miesepeter, wo händ welle d Wältherrschaft an sich risse und nit z vergässe gmietlichi Ziite mit Film und Ässe.

Mir hoffe uf e wiitere Zuewachs vo unserer absolut liebenswärte Gruppe und notürlig uf wiiteri hammer Iebige!

Allzeit bereit!

Carambas & co.